Er að horfa á þátt með Jóni Ólafs. Hann kemur skemmtilega á óvart. Umfjöllunarefnið er (ef ég skil það rétt) grasrótartónlist. Gestur þáttarins er tónlistargagnrýnandi sem ég man ekki nafnið á.
Í þættinum koma fram ófrægar (að ég held) hljómsveitir skipaðar ungu fólki. Áðan komu fram 13 ára drengur og 14 ára stúlka. Þau voru alveg ótrúlega góð. Mun betri en margir þeir sem eldri eru.
Rétt í þessu var hljómsveitin Hjaltalín að spila og syngja alveg hreint gríðarlega skemmtilega og frumlega tónlist. Ef þetta er framtíðin þurfum við engu að kvíða.
Nú tala ég eins og ég sé einhver sérfræðingur í tónlist. Ég þykist ekki hafa hundsvit á tónlist en veit bara hvað mér finnst gott.
5 ummæli:
Það er þó meira en margir aðrir vita! Sumir vita ekki einu sinni hvert þeir eru að fara, hvert þeir eru að hringja, hvort leikurinn er búinn og hvað þá hvað þeim þykir gott ;)
Og þetta var ekki einu sinni svona týpísk "gufu" tónlist. Þú ert nú ekki eins gömul og þú lítu.....nei ég meina þú ert bara með framúrskarandi fínan tónlistarsmekk og ungleg í anda :-)
hver er þessi myndarlegi maður á fystu myndinni???
Hæ mamma!
mig dreymdi í nótt að Ædol-stjarnan hefði myrt Jón Ó. og ég hugsaði með mér að það væri nú algjör óþarfi af sjónvarpinu að sína viðtalsþátt með dauðum manni!
Skrifa ummæli